Ky është objekti i ri i Spitalit Rajonal të Ferizajt.
Punimet nga Ministria e Shëndetësisë, që kishin nisur në vitin 2019, tashmë janë ndalur në gjysmë.
Ministri i këtij dikasteri, Arben Vitija muajin e kaluar potencoi se do të angazhohen me intensitet të shtuar për përfundimin e këtij objekti.
“Qysh u dakorduam edhe me kryetarin, kjo tani do të zgjidhet si nyje dhe besoj se pas takimit të sotëm nuk kemi asnjë arsye që kjo nyje të mos zgjidhet dhe do të vazhdojmë përpara dy projekte jetike për qytetarët, siç është QKMF-ja dhe Spitali i Ferizajt… Ministria e Shëndetësisë do të vazhdojë punën me një intensitet të shtuar në mënyrë që qytetarët e Ferizajt të kenë qasje në shërbime cilësore, ashtu siç e meritojnë”, tha Vitia.
E vendimin për rifillimin e punimeve në këtë objekt, e mirëpriti Komuna e Ferizajt.
Sipas zëdhënësit të kësaj komune, ndërprerjet e deritanishme të punimeve janë bërë për shkak të inateve politike mes nivelit qendror dhe atij lokal.
Ndryshe, sipas planifikimeve buxhetore ky projekt pritet të zgjasë nga 2 deri në 3 vite.
Kronika e gazetarit Lindrit Zejnullahu.
