Njësia e Komandës Rajonale të KFOR-it ka patrulluar në vijën kufitare afër Istogut.
KFOR ka bërë të ditur se kjo patrullë po realizohet për ta ruajtur sigurinë e Kosovës, raporton teve1.info.
Përmes një postimi në Facebook është njoftuar se patrullimi është kryer nga ushtria italiane.
“Njësia e Komandës Rajonale të KFOR-it perëndimor patrulloi vijën kufitare administrative afër Istogut. Aktiviteti u zhvillua nga trupat malore të Ushtrisë Italiane për të ruajtur një mjedis të sigurt dhe lirinë e lëvizjes në #Kosovë, në përputhje me Rezolutën 1244 të Këshillit të Sigurimit të OKB-së të vitit 1999″, thuhet në postim.
