I riu ukrainas dikur i njohur si ‘djali në urë’ ka shënuar kthesë që nga fillimi i luftës.
Në pamundësi për të luftuar, para një viti, ku përvoja e tij e vetme qëndronte në hedhjen e 16 fishekëve, ai u bë i njohur anembanë botës nga historia e ruajtjes së urës së Kievit.
Dikur i brishtë dhe i frikësuar me idenë se familja e tij mund të pësoj në luftë, tashmë ushtari ukrainas 21-vjeçar Serhiy Petrushenko ka mposhtur çdo frikë kundrejt armiqve rus.
Që nga fillimi i luftës në Ukrainë në shkurt të vitit të kaluar,kontributi për vendin e tij, vetëm sa vjen e shtohet.
Petrushenkon lufta e ka bërë më të fortë e më të përgjegjshëm për komunitetin e tij në Ukrainë, pasi ai tani edhe gatuan ushqime për ushtarët ukrainas.
Mes shpresës se familjarët e tij janë mirë, ai rrëfeu se forcat ruse ende janë të pranishëm në fshatin e tij me artileri e tanke të rënda.
Mirëpo për një gjë ai shprehet i sigurt, që forcat ruse nuk do të triumfojnë dhe se Ukraina do ia dalë mbanë.
“Ne do të marrim territoret tona, përfundimisht trupat ruse do t’i kthejmë në kufijtë e tyre. Ndoshta edhe më larg se aq. Ata nuk do të fitojnë”, shprehet ushtari ukrainas, raporton AP.
Ndërkohë ushtria ukrainase pohoi gjatë së dielës se pala ruse humbi më shumë se 1.000 trupa në 24 orët e fundit, teksa përpjekjet e Moskës për qytetin lindor të Bahmutit vazhduan. Nga Kievi u deklarua se janë të vendosur që ta mbrojnë këtë qytet.
Shtabi i Përgjithshëm i Ukrainës tha se rusët kanë humbur edhe tetë tanke në orët e fundit./Tëvë1/