Instituti Hidrometeorologjik i Kosovës ka njoftuar për motin në vikend.
Nga IHMK-ja kanë bërë të ditur se të shtunën parashihet të mbajë mot kryesisht i vranët dhe vende me riga shiu.
Ndërkaq, të dielën parashihet të jetë më ftohtë dhe temperaturat të zbresin për 4-5 gradë Celsius.
“Të shtunen parashihet të mbajë mot kryesisht i vranët dhe vende-vende me riga shiu. Në fushat termike parashihet rënie të lehta. Dita e diele parashihet të jetë më e ftohët dhe temperaturat do të zbresin për 4-5 gradë Celsius”, thuhet në njoftim.
Sipas IHMK-së, minimalet do të lëvizin ndërmjet -2 deri 1 gradë Celsius, ndërsa maksimalet e ditës parashihen të lëvizin ndërmjet 5-9 gradë Celsius.
Do të fryjë erë nga drejtimi i jugperendimit dhe verilindjes me shpejtësi 1-6m/s. /Teve1.info/
