Emisari i BE-së, Miroslav Lajçak është deklaruar për media pas takimit me kryetarin e LDK-së, Lumir Abdixhiku.
Lajçak tha se gjatë takimeve të sotme që pati me partitë opozitare ai është njoftuar me qëndrimet e tyre, por ën të njëjtën kohë Lajçak tha se i ka informuar ata për takimin e ardhshëm që do të mbahet me 18 mars në Ohër të Maqedonisë së Veriut.
“U takova i informova për procesin dhe i kuptova qëndrimet e tyre. Është mirë që edhe ata më takuan dhe nuk u informuan vetëm nga mediat dhe Parlamenti. Është e gjitha pjesë e përgatitjeve për takimin e datës 18. Për mua, takimet i kanë përmbushur qëllimet”, ka thënë ai.
Ndryshe para takimit me Abdixhikun, Lajçak është takuar edhe me kryetarin e PDK-së, Memli Krasniqi dhe atë të AAK-së, Ramush Haradinaj.
Përfaqësuesi i BE-së po qëndron në një vizitë dyditore në Kosovë, ku dje ka zhvilluar takime me presidenten Vjosa Osmani dhe kryeministrin Albin Kurti.
Në këto takime u diskutua për ankesin e zbatimit të Propozimit evropian për normalizimin e raporteve Kosovë – Serbi. /Teve1.info/
