Eurodeputeti holandez, Thijs Reuten, thotë se vendimi i Këshillit të Ministrave Evropian për vendimin e liberalizimit të vizave për Kosovën është hap i rëndësishëm, raporton teve1.info.
Sipas Reuten, më së voni më 1 janar 2024, Kosova do ta marrë udhëtimin e merituar dhe të vonuar pa viza.
Përmes një postimi në Twitter ai ka shkruar se e mirëpret vendimin e shteteve anëtare.
“Hap i rëndësishëm! Unë e mirëpres këtë vendim të shteteve anëtare. Së shpejti: votimi në komitetin e punëve të brendshme dhe më pas në seancën plenare të Parlamentit Evropian. Më së voni më 1 janar 2024, Kosova do të marrë udhëtimin e merituar dhe të vonuar pa viza”, ka shkruar ai.
Important step! I welcome this decision by the member states. Coming up soon: vote in the home affairs committee and then in the European Parliament’s plenary. At the latest at 1 January 2024 Kosovo will get the well deserved and long overdue visa free travel. 🇪🇺🤝🇽🇰 https://t.co/4eT7FDpiu8
— Thijs Reuten 🇪🇺🌹 (@thijsreuten) March 9, 2023
Diplomatët në BE thonë se, aktualisht, gjithçka në procesin e liberalizimit të vizave për Kosovën po shkon sipas planit, dhe se afati i hyrjes në fuqi mbetet 1 janari i vitit të ardhshëm.
