Ministrja e Drejtësisë, Albulena Haxhiu ka vizituar sot strehimoren “Shpresa dhe Shtëpitë e Fëmijëve në Kosovë” për tu njohur me kushtet e punës dhe shërbimet të cilat i ofron kjo shtëpi-strehimore.
Në njoftimin e Ministrisë së Drejtësisë, thuhet se Haxhiu premtoi përkushtim institucional për të siguruar infrastrukturë ligjore për financim të institucioneve të tilla.
“Gjatë takimit me drejtoren e kësaj qendre ministrja Haxhiu premtoi përkushtim maksimal institucional për të siguruar infrastrukturë ligjore të nevojshme për financim të qëndrueshëm të institucioneve të tilla të cilat ofrojnë strehim, mbrojtje dhe shërbime për fëmijët me nevoja sociale.Ministrja Haxhiu tha se ne do të përkushtohemi maksimalisht të sigurojmë që fëmijët e kësaj Qendre dhe institucioneve te tjera sociale të kenë shërbimet e nevojshme dhe të domosdoshme gjatë qëndrimit të tyre në këto institucione”, thuhet në njoftim.
Kurse drejtoresha e kësaj qendre falënderoi ministren për viziten e saj, dhe kujdesin në fushën e mbrojtjes së fëmijëve.
Teksa në njoftim thuhet se Haxhiu i ka dhuruar kësaj qendre një makinë qepëse për nevoja të brendshme.
“Kësaj Qendre, ministrja Haxhiu ua ka dhuruar një makinë qepëse e cila do ju shërbejë për nevojat e tyre të brendshme. Nga një makinë e tillë do të shpërndahet në të gjitha strehimoret”, thuhet tutje./teve1.info./
