Kryetari i Aleancës për Ardhmërinë e Kosovës, Ramush Haradinaj, ka uruar gratë me rastin e 8 Marsit, Ditës Ndërkombëtare të Gruas.
Haradinaj ka thënë se shoqëria jonë ka përparuar në respektimin e të drejtave të grave, por sipas tij, ka ende shumë punë.
Tutje përmes një postimi në Facebook ai tha se roli i gruas ka qenë dhe mbetet i pazëvendësueshëm.
“Sot shënohet 8 Marsi, Dita Ndërkombëtare e Gruas. Përkundër sfidave dhe pengesave përgjatë historisë sonë, roli i gruas ka qenë dhe mbetet i pazëvendësueshëm.Shoqëria jonë ka përparuar në respektimin e të drejtave të grave, por sigurisht se ka edhe shumë punë për t’u bërë. Të jemi më aktiv në kërkim dhe promovim të barazisë gjinore dhe kërkues të pandalshëm në eliminimin e çdo forme të diskriminimit apo pabarazie ndaj grave, si në punësim, ashtu edhe në përfaqësim. Le të na shërbejë dita e sotshme si pikënisje dhe inspirim për secilin prej nesh për të punuar shumë në këtë drejtim”, ka shkruar ai./teve1.info./
