Anëtarë të Partisë Demokratike të Kosovës, kanë bërë homazhe në Kompleksin Memorial “Adem Jashari” në Prekaz, në shënimin e 25 vjetorit të Epopesë së UÇK-së.
Kryetari i kësaj partie, Memli Krasniqi më një deklarim për media ka thënë se datat 5,6 e 7 marsi shënojnë ditët e lirisë së Kosovës.
Ai tha se vizita në Prekaz është respekt e vlerësim i pafund për sakrificën e familjes Jashari.
“Datat 5,6,7 mars shënojnë ditën kur ka lindur liria e Kosovës dhe qytetarëve tonë. E konsiderojmë obligim për të ardhur këtu për të treguar respektin e përjetshëm, vlerësimin e pafund për sakrificën e tyre titanike e cila i dha drejtim luftës çlirimtare te UÇK-së, që mundësoi edhe masivizimin e radhëve të UÇK-së, por edhe rrugën e çlirimit për ta festuar sot”, tha Krasniqi.
