Kryeparlamentari Glauk Konjufca ka thënë se pas përfundimit të punës së Komisionit Ad Hoc për vetingun në sistemin e drejtësisë, i ka përcjellur amendamentet Kushtetuese në Gjykatën Kushtetuese.
Këtë thotë se e ka bërë për të marrë përgjigje nëse të njëjtat janë në përputhje me Kapitullin II të Kushtetutës.
Ai ka shkruar se është i gëzuar që reforma në sistemin e drejtësisë është në rrugë të mbarë.
“Vetëm përmes saj Republika e Kosovës do të jetë shtet i së drejtës dhe do të kthehet besimi i qytetarëve në institucionet e drejtësisë”.
“I falënderoj anëtarët e Komisionit Ad Hoc, përfaqësuesit e Ministrisë së Drejtësisë dhe institucioneve të drejtësisë, partnerët tanë dhe ekspertët për punën e tyre në këtë proces të rëndësishëm”, ka shkruar kryeparlamentari.
