Edhe kryeparlamentari Glauk Konjufca do të marrë pjesë në Samitin e Dytë për Demokraci që do të mbahet më 29-30 mars në Uashington.
Këtë e ka konfirmuar shefi i kabinetit të Konjufcës, Ilir Kërçeli.
Kërçeli ka njoftuar se Konjufca do ta shfrytëzojë këtë platformë për t’u takuar me përfaqësues të Kongresit Amerikan dhe të shteteve që ende nuk e kanë njohur Kosovën.
“Kryeparlamentari Konjufca si pjesëmarrës në këto aktivitete të Samitit, do ta shfrytëzojë këtë platformë për të zhvilluar takime me përfaqësues të ndryshëm të Kongresit Amerikan dhe përfaqësues politik të shteteve të tjera duke përfshirë edhe ato që nuk e kanë njohur ende shtetin e Kosovës”, ka shkruar Kërçeli.
Pjesëmarrjen në këtë samit e ka konfirmuar edhe presidentja Vjosa Osmani
