Politologia, Arta Tahiri-Beqa ka kritikuar opozitën për qasjen në raport me dialogun Kosovë – Serbi.
Sipas saj, përtej interesave politike, partitë opozitare do të duhej të përkrahnin kryeministrin Albin Kurtin në këtë rast për shkak se siç tha ajo, është çështje jetike për Kosovën.
“Mendoj që ky është gabimi më i madh që po bëjnë partitë opozitare në këtë rast, sepse përtej interesave partiak dhe politik se sikur të ishte periudha e fushatës zgjedhore do i mirëkuptoja, por ka kohë së paku ligjërisht, po bëhet fjalë për diçka jetikë për Kosovën për shtetin tonë”, tha ajo.
Tahiri – Beqa në emisionin “Ditari” në Tëvë1, tha se opozita vetëm po e kritikon Kurtin, por që sipas saj, edhe pozita në këtë rast e ka injoruar opozitën në situata të caktuara.
“Opozita gjatë gjithë kohës vetëm kritikon me deklarata publike dhe në Kuvend por kemi edhe pozitën e cila në mënyrë të vetëdijshme ka injoruar opozitën në situata të caktuara. Në këtë moment e shoh që ka hezitime se gjatë gjithë kohës ka vetëm kritika për marrëveshjen…”, tha ajo./teve1.info./