Nënkryetari i LDK-së, Lutfi Haziri ka thënë se dialogu është e vetmja rrugë për të arritur qëllimet e Kosovës karshi normalizimit të procesit me Serbinë.
Haziri në Tëvë1, tha se dokumenti bazë i porpozuar nga BE-ja është pranuar në parim nga kryeministri i Kosovës, Albin Kurti edhe pse sipas Hazirit ende ka shumë paqartësi.
“Në radhë të parë duhet të nënvizojmë që dialogu është e vetmja rrugë për të arritur qëllimet e Kosovës karshi normalizimit të procesit me Serbinë. Modaliteti i takimit po vazhdon të jetë i njëjti. Natyrisht që dokumenti bazë është pranuar në parim nga kryeministri i Kosovës në emër të Republikës përkundër një debati që e la të hapur në Kuvend, la shumë mjegull pa zbardhur. Tani po presim rezultate të shohim deri ku do të arrijnë palët të dakordohen”, tha ai.
Tutje Haziri tha se takimi i cili po mbahet sot në Bruksel mes Kurtit e Vuçiq ka të bëjë me mënyrën e zbatimit të Asociacionit të Komunave me shumicë serbe.
“Duhet ta kuptoni që tavolina është për zbatimin e Asociacionit. Kurti është duke negociuar mënyrën e zbatimit të Asociacionit me Serbinë dhe natyrisht periudhën kohore formën kompetencat dhe çështje që janë në tavolinë ky është qëllimi kryesor i takimit sot sepse për dokumentin evropian janë pajtuar palët të cilat i kanë dhënë komentet e tyre. Sot takimi ka të bëjë me mënyrën e zbatimit. E para mbi të gjitha është zbatimi i marrëveshjes e cila lidhet me statusin e Asociacionit të Komunave me shumicë serbe. Tani do të shihet kryeministri, se deri tash ka bisedu çështje të arritura për herë të parë është në tavolinë duke negociuar diçka”, tha ai.
Teksa i pyetur se sa është optimist për takimin e sotëm dhe arritjen e një marrëveshje mes vendeve, Haziri tha se nëse ky proces do të ecë mirë, sipas tij, gjatë verës do të bëhet e qartë mundësia e një marrëveshje mes të dyja vendeve.
“Optimizmi është si i mirë natyrisht shpresoj shumë që determinues të ardhshëm do të jenë 5 muajt e ardhshëm, 3 deri në 5 muajt se si do të ecë ky proces a do të ketë sukses atëherë vera do të jetë ajo që do të na tregoj qartë mundësinë e një marrëveshje, nëse jo do të jetë vështirë me mendu një vit apo më shumë. Sonte është fillu me bisedu për normalizim të veriut të Kosovës de facto de jure një marrëveshje të çon në normalizim të Serbinë përmes veriut të Kosovës që këtë situatë të re e ka krijuar vet Kurti vjeshtën e vonshme që e lam pra vitin e kaluar”, shtoi Haziri./teve1.info./
