Një defekt në një përçues elektrik ka çuar deri te shkaktimi i zjarrit në një lokal në Mitrovicë duke shkaktuar dëme të mëdha materiale, ka njoftuar PK-ja.
Si rrjedhojë nga dëmtimet në rrjet elektrik, dëme materiale janë shkaktuar edhe në pajisjet elektrike shtëpiake të banorëve të tjerë përreth.
Policia ka bërë të ditur se në vendin e ngjarjes kanë dalur ekipet relevante, teksa nuk raportohet për lëndime në njerëz.
“Katër ankuesit meshkuj kosovar kanë raportuar se pas një defekti në përçuesin elektrik është shkaktuar zjarri në një lokal ku janë shkaktuar dëme të konsideruara materiale, e me pas si pasoje e zjarrit banoreve përreth nga dëmtimet në rrjet elektrik u janë shkaktuar dëme materiale në pajisjet elektrikë shtëpiake. Ne vendin e ngjarjes kane dal njësitë e nevojshme policore, ekipet e KEDS-it, ekipet e zjarrfikëseve si dhe eksperti i zjarrit. Përveç dëmeve materiale nuk raportohet për lëndime në njerëz, lidhur me rastin është njoftuar prokurori”, thuhet në njoftimin e PK-së.
