Presidentja e Kosovës, Vjosa Osmani, tha se Lufta e paprovokuar e Rusisë në Ukrainë tregon rrezikun e Putinit që e ka për zgjerimin e saj, raporton teve1.info
Osmani tha se në këtë kohë Kosova duhet të jetë e vendosur me aleatët ndërkombëtar kund ripërpjekjeve për t’i minuar vlerat evropiane dhe të punoj ngusht për të pamundësuar ndikimin e Rusisë në Ballkan.
“Më 1999 bota demokratike u kthye në anën e Kosovës duke na mbrojtur nga shfarosja e Millosheviqit, sot bota është në anën e Ukrainës sepse e drejta është në anën e saj.
Nuk duhet të harrojmë se kush ishin ata që qëndruan në krah të Millosheviqit më 1999 e të cilët sot qëndrojnë krah Putinit”, u shpreh ndër të tjera Osmani.
Osmani këto deklarime i bëri në ceremoninë e ndarjes së letrave të falënderimit të Kosovës për gazetarët ukrainas që po qëndrojnë në Kosovë.
Ajo tha se një vit më parë bota mori kah tjetër, kur siq tha Osmani, ambiciet hegjemoniste e imperialiste të autokratit Putin goditën Ukrainën duke provokuar një luftë të paprovokuar mbi Ukrainën.
“Në njëvjetorin e fillimit të kësaj lufte të tmerrshme dhimbja është e madhe e solidarizimi maksimal krahas vendosmërisë për triumf të popullit të Ukrainës.
Krahas sfidave, populli i Ukrainës ka qëndruar i palëkundur në vendosmërinë për të mbrojtur vendin e vet dhe lirinë.
Lufta e Ukrainës është luftë për të mbrojtur vlerat e lirisë dhe demokracisë kudo në botë, andaj fitorja e tyre është fitore e secilit që beson në këto vlera”, tha Osmani.
