Kryeministri i Kosovës, Albin Kurti, e ka takuar ambasadorin e ri të Turqisë në Kosovë, Sabri Tunç Angili, raporton teve1.info
Sipas një komunikate të lëshuar nga Qeveria, në takimin me ambasadorin, Kurti ka shprehur mirënjohje për ndihmën dhe kontributin e dhënë Kosovës nga populli dhe shteti turk.
“Në emër të Qeverisë së Kosovës, Kryeministri i shprehu ngushëllimet më të thella ambasadorit për viktimat e tërmetit që e goditi Turqinë. Ai theksoi se Republika e Kosovës është pranë Republikës së Turqisë dhe popullit turk, dhe mbi bazën e kapaciteteve të saj, me Forcën e Sigurisë së Kosovës, Policinë e Kosovës, Agjencinë për Menaxhimin e Emergjencave dhe ekipet mjekësore, kanë ndihmuar në këtë kohë të vështirë”, thuhet në komunikatë.
Ambasadori u shpreh falënderues për mikpritjen në Kosovë, derisa shprehu mirënjohje për ndihmën e Republikës së Kosovës dhënë institucioneve dhe popullit turk në rajonet e goditura nga tërmeti shkatërrues, thuhet në komunikatën e Qeverisë së Kosovës.
“Në këtë takim u bisedua për mundësitë e zgjerimit të mëtejmë të bashkëpunimit bilateral, veçanërisht në ekonomi, siguri, mbrojtje dhe kulturë. Duke folur për bashkëpunimin ekonomik, u theksua potenciali për rritje të shkëmbimeve tregtare, përmirësimi i bilancit tregtar, si dhe shtimi i investimeve nga bizneset e Turqisë. U bisedua edhe për lidhjet e forta kulturore ndërmjet Turqisë dhe Kosovës dhe mundësitë për organizime të përbashkëta të ngjarjeve kulturore dhe artistike”, thuhet në njoftim.