Deputetja Deliu-Kodra ka thënë se kjo Qeveri po provon t’i ndalë fjalimet e deputetëve në kohën kur kryeministri Kurti dhe ministrja e Drejtësisë Haxhiu, duhet të sqaronin se çka dinë ata në lidhje me zhdukjen e mostrave të Astrit Deharit.
Ajo ka përmendur në këtë kontekst zhvillimet e sotme në Kuvend, kur teksa deputeti Hisen Berisha po e akuzonte VV-në se po e përdorte rastin e Astrit Deharit për qëllime politike, ministrja Haxhiu i kishte thënë ta “mbyllte gojën”.
“A kanë ndërmarrë deri me tani ndonjë veprim për të zbardhur të vërtetën e plotë të zhdukjes së këtyre provave?
Pse edhe më tutje po vazhdojnë të heshtin karshi akuzave që i përfshijnë ata në mënyrë direkte në krimin e zhdukjes së mostrave të rastit Dehari?
Cilat janë ndërhyrjet flagrante politike të kabinetit të ministres në Institutin e Mjekësisë ligjore?”, ka pyetur deputetje Deliu-Kodra.
