Drejtori i të ashtuquajturës Zyrë Serbe për Kosovën, Petar Petkoviq, ka reaguar pasi u shënua 15 vjetori i Pavarësisë së Kosovës në Zyrën ndërlidhëse në Beograd.
Petkoviq ka thënë se ky është një provokim i pastër nga Prishtina. Po ashtu ka shtuar se nuk ekziston një Zyrë Ndërlidhëse e Kosovës në Beograd, por vetëm zyrtar ndërlidhës i cili qëndron në një ndërtesë të delegacionit të BE-së.
“Ky është një provokim i pastër i Prishtinës. Sipas Marrëveshjes, nuk ka Zyrë Ndërlidhëse, por vetëm Zyrtar Ndërlidhës, zyra e të cilit ndodhet në ndërtesën e Delegacionit të BE-së. Ky tubim është organizuar në dhomën e ndenjes së një apartamenti privat të marrë me qira nga Zyrtari Ndërlidhës i Prishtinës dhe nuk mund të jetë zyrtar”, ka shkruar Petkoviq, transmeton teve1.info.
Teksa ka sulmuar edhe opozitën në Serbi.
“Fatkeqësisht, disa si Boshko Obradoviq u gëzuan për atë ngjarje që të mund të sulmonin Serbinë dhe presidentin Vuçiq. Abuzim dhe vrazhdësi e pastër edhe e opozitës serbe edhe e Prishtinës. Ata janë përsëri në të njëjtin mision!”, ka shkruar ai.
