Kryetari i AAK-së, Ramush Haradinaj, kërkoi nga Qeveria e Kosovës që të hënën ta mbyll marrëveshjen me Serbisë, raporton teve1.info
Haradinaj në Kuvend tha se nuk mjafton që vetëm të ketë sinjale pozitive në këtë rrugë, por një marrëveshje e tillë, siç tha Haradinaj, duhet të mbyllet sa më parë.
“Si mundet me vepru Kosova në këtë pikë, mundet me e mbyll marrëveshjen. Jo vetëm me dhënë sinjale pozitive por me e mbyll”, tha Haradinaj.
Ai shtoi se marrëveshja ka edhe kosto financiare, e të cilën i propozoi Qeverisë që t’ia kërkoj si ndihmë BE-së.
“Pos aspektit të sigurisë e mbrojtjes kësaj marrëveshje mundet me iu shtu edhe një komponent, ajo financiare e ekonomike. Rritjet buxhetore të Kosovës janë ka rritën prej ditëve në ditë për veriun. Qeveria ti kërkoj BE-së që koston buxhetore për veri të na ndihmon BE-ja me buxhet, për pjesën që e zbaton Kosova, financat duhet t’i bien Qeverisë së Kosovës se mban përgjegjësi për implementim të marrëveshjes, duhet të kërkoj përkrahje financiare”, tha Haradinaj.
Haradinaj tha se i vetmi vend që nuk i gëzohet arritjes së marrëveshjes Kosovë-Serbi është Rusia, andaj kërkoi nga Qeveria që ta bëjë një gjë të tillë sa më parë.
