Presidentja e Kosovës, Vjosa Osmani, ka marrë pjesë në shënimin e Ditës Ndërkombëtare të Presidentit të ShBA-së, e cila u mbajt në bulevardin “Bill Clinton”, në Prishtinë, aty ku është e vendosur edhe shtatorja e ish-presidentit të ShBA-së.
Osmani ka thënë se lidhja mes Kosovës dhe SHBA-së është e pathyeshme
“Me iniciativën e Shoqatës Historike të Shtëpisë së Bardhë e së bashku me Ambasadorin Hovenier dhe fëmijët e shkollës ‘Xhemajl Mustafa’ shënuam Ditën e Presidentit, si dhe festuam lidhjen e fortë e të pathyeshme në mes të Kosovës dhe Shteteve të Bashkuara të Amerikës. Presidenti Clinton u bë zëri i popullit të Kosovës në ditët tona më të vështira. Sakrifica e popullit tonë si dhe mbështetja e Shteteve të Bashkuara ishin përcaktuese për lirinë dhe pavarësinë e Republikës sonë”, ka shkruar Osmani./teve1.info/