Aleanca për Ardhmërinë e Kosovës ka kërkuar debat parlamentar për punën dy vjeçare të Qeverisë Kurti.
Këtë e ka bërë të ditur Besnik Tahiri, shef i Grupit Parlamentar të kësaj partie pas mbledhjes së Kryesisë së Kuvendit të enjten.
Ai ka thënë se janë 10 pika të rezolutës që kanë propozuar për këtë debat.
“Ekonomia dhe punësimi kanë qenë zero. Një plagë që po i kthehet Kosovës është ikja. E treta lidhet me administratën e shtetit. Çështja tjetër lidhet me pagën minimale në sektorin privat. Çështja tjetër lidhet me sigurinë. Ushtarët në FSK janë duke e lëshuar atë dhe aplikimi është duke rënë. Çështja tjetër që lidhet është me energjinë. Që dy vite nuk ka as një veprim për energjinë. Janë edhe tri tema, për shëndetësinë, çështja tjetër lidhet me arsimin. Dhe e fundit në temën sektoriale janë skemat sociale. Dhe e fundit lidhet me dialogun, me marrëveshjen. Marrëveshja nuk guxon që të “zhagitet”, nuk bënë që të vonohet”, tha ai./EO/
