Presidentja e vendit, Vjosa Osmani do të ndajë Medalje Presidenciale të Meritave për nder të 15-vjetorit të pavarësisë së Kosovës.
Zyra e presidentes ka bërë të ditur se ceremonia e ndarjes së medaljeve do të mbahet sot (e hënë).
“Presidentja e Republikës së Kosovës, Vjosa Osmani për nder të 15-vjetorit të pavarësisë së Kosovës ka vendosur të ndajë medalje për personalitete nga sfera e kulturës, sportit dhe sigurisë për personalitete që kanë dhënë kontribut dhe kanë sakrifikuar për lirinë e Kosovës”, thuhet në njoftim. /Teve1.info./
