Kryeministri i Kosovës, Albin Kurti ka udhëtuar drejt Gjermanisë, ku po merr pjesë në Konferencën e Sigurisë në Mynih.
Kurti takimin e parë atje e ka zhvilluar me presidenten e Bankës për Rindërtim dhe Zhvillim, Odile Renaud Basso.
Ai tha se Kosova është duke ndërmarrë një seri investimesh në infrastrukturë me qëllim të krijimit të vendeve të reja të punës dhe nxitjes së rritjes ekonomike.
“Kosova po ndërmerr një seri investimesh infrastrukturore dhe të synuara që do të krijojnë vende të reja pune dhe do të shtyjnë rritjen tonë ekonomike. Në ditën time të parë jam takuar me presidenten e Bankës për Rindërtim dhe Zhvillim, Odile Renaud Basso në Konferencën e Sigurisë në Mynih. E falënderova për mbështetjen e saj të vazhdueshme dhe për plane për bashkëpunim në të ardhmen”, ka shkruar Kurti në një postim në Twitter. /Teve1.info/
Kosova is embarking on a series of smart, targeted infrastructure investments that will create new jobs & power forward our economic growth. On my first day @MunSecConf I met w/ @EBRD President @OdileRenaud to thank her for her ongoing support & make plans for future cooperation. pic.twitter.com/LhUuOqjEQC
— Albin Kurti (@albinkurti) February 18, 2023