Skuadra e Borës është finalistja e parë e Kupës së Kosovës për Ligën e Parë. Ekipi prishtinas ka arritur të mposht ngushtë Istogun në ndeshjen gjysmëfinale për të siguruar finalen e parë të saj në këtë garë.
Bora fitoi 62-60, ndërsa dallimi kryesor u bë në cerekun e fundit të cilën lojtarët e drejtuar nga Arben Krasniqi e morrën me 16-9.
Leonard Mekaj me 20 pikë e 2 asistime ka qenë koshashënuesi më i mirë i ekipit të Borës, ndërsa me 18 të shënuara është dalluar Dion Haxhosaj. Ky i fundit kreu lojën me double-double pasi që bëri edhe 23 kërcime!
Te Istogu për pak nuk mjaftuan Arian Azemi dhe Mirlind Zekaj. I pari dha 19 ndërsa i dyti 17 pikë në ndeshjen ku istogasve i munguan edhe tre pikë për të arritur finalen.
Pas kësaj fitoreje Bora në finale të Kupës së Ligë së Parë pret fituesin e ndeshjes NewBasket – Drita, ndërsa Istogu eliminohet nga gara. FInalja luhet të dielën në Mizahir Isma.
