Ministrja e Arsimit, Arbërie Nagavci, në librin e zisë, të hapur në Ambasadën e Turqisë në Kosovë, ka shprehur ngushëllimet në emër të popullit të Kosovës për viktimat që humbën jetën në tërmetin i cili goditi Turqinë më 6 shkurt.
Përmes një postimi në Facebook, Nagavci ka shkruar se Kosova qëndron në solidaritet të plotë me Turqinë.
“Në librin e zisë, të hapur në Ambasadën e Turqisë në Kosovë, shpreha ngushëllimet e mia në emër të popullit të Kosovës për viktimat që humbën jetën në tërmetin i cili goditi Turqinë më 6 shkurt. Në një kohë kaq të dhimbshme, me mendje e zemër jemi me popullin turk. Kosova qëndron në solidaritet të plotë me ju, shpirtërisht e moralisht”, ka shkruar Nagavci.
Njëherit, Nagavci ka shprehur ngushëllime për jetët e humbura tragjikisht dhe shërim sa më të shpejtë të lënduarve./teve1.info/.