Nol Nushi duke folur për njërin nga kushtet e kryeministrit për Asociacionit që të ketë reciprocitet të të drejtave të minoriteteve në Kosovë dhe Serbi, ka thënë se nuk është asgjë tjetër përveçse instrumentalizim i banorëve të Luginës së Preshevës
“Kurti fatkeqësisht po e përdor Luginën gjithmonë sa herë t’i duhet kur është në pozicione të vështira, kur është në prag të pranimit të Asociacionit, ai kqyr me instrumentalizu çështjen e Luginës”, ka thënë ai
“Absolutisht është instrumentalizim sepse nuk kemi me pa kurrgjë në realizimin e asaj pune”.
Sipas tij, kjo shihet edhe me faktin se u keqpërdor Fondi për Luginën dhe paratë i morën njerëzit e afërt me Kurtin.
“Nëse e shihni, i ka nda 1.3 milionë euro për zhvillimin e Luginës, krejt paret i kanë marrë njerëzit e këshilltares së tij që vjen prej një partie atje, pra edhe në Fondin për Luginën ka keqpëedorim për m’i ndihmu një krahu politik i cili po ia man anën Z. Kurti”.
“Po du me tregu natyrën instrumentalizuese të këtij pushteti. Ai ka m’i përdor këto, u kryn negociatat që dy vjet të zhdukurit nuk përmenden mo. Kur vjen për së ngushti puna dhe don me tregu pak popullaritetin i qet do kësi kushte ku përdor fjalë të mëdhaja të cilat harrohen pasi të qiten do kushte të reja. Pra është person që instrumentalizon temat”, ka shtuar Nushi.
