Në një tryezë të organizuar nga Këshilli i Investitorëve Evropian me përfaqësues nga anëtarët e Këshillit të Investitorëve, Komisionit Evropian, Ambasadave dhe Akademisë, është shpalosur dhe diskutuar Draft Strategjinë për Zhvillimin Industrial dhe Mbështetjen e Bizneseve 2030.
Siç ka njoftuar ministrja e Tregtisë, Industrisë dhe Ndërmarrësisë, Rozeta Hajdari, kjo strategji është cilësuar si moderne dhe e qartë.
“Gjatë këtij muaji, do të vazhdojmë me konsultimet shtesë dhe reflektimet gjithëpërfshirëse për këtë strategji të rëndësishme për vendin tonë. Mirënjohje për ekipin tonë dhe gjithë të tjerë që kanë kontribuar në hartimin e kësaj Strategjie për Zhvillimin Industrial dhe Mbështetjen e Bizneseve 2030!”, ka shkruar Hajdari.