Presidentja Vjosa Osmani e cila po qëndron për vizitë zyrtare në Mal të Zi ka zhviluar një takim me kryeministrin e këtij vendi, Dritan Abazoviq.
Sipas Osmanit, në këtë takim u diskutua për rëndësinë e bashkëpunimit të vazhdueshëm në drejtim të jetësimit të së ardhmes euroatlantike.
Po ashtu Osmani ka shtuar se këto dy vende i përafrojnë komuniteti shqiptar në Mal të Zi dhe ai malazez në Kosovë.
“Si dy shtete të orientuara kah e ardhmja euroatlantike, me Kryeministrin Dritan Abazoviq diskutuam sot për rëndësinë e bashkëpunimit të vazhdueshëm në drejtim të jetësimit të këtij synimi të përbashkët. Dy vendet tona i përafrojnë edhe më shumë komuniteti shqiptar në Mal të Zi, si dhe ai malazez në Kosovë. Andaj, potencuam rëndësinë e madhe të hapjes se kapitujve të ri të bashkëpunimit në tregti, arsim, turizëm e fusha të tjera në dobi të qytetarëve në të dy shtetet”, ka shkruar Osmani.
