Një vjedhje e rëndë ka ndodhur në një pronë private (vikendicë) në Leposaviq, ka njoftuar Policia e Kosovës.
Sipas njoftimit, persona të dyshuar kanë vjedhur një pushkë ajrore dhe gjësende të tjera.
“Sot, më 07 shkurt 2023 në një lokacion afër Soqanicës në Komunën e Leposaviqit është raportuar për një rast vjedhje e rëndë e cila ka ndodhur në një pronë private (vikendicë), ku person/a të dyshuar kanë vjedhur një pushkë ajrore dhe gjësende tjera”, thuhet në një njoftim.
Policia ka bërë të ditur se ka ndërmarrë veprimet e nevojshme policore drejt hetimit dhe ekzaminimit të vendit të ngjarjes.
“Të gjitha veprimet e mëtejme policore do të ndërmerren në bashkëpunim dhe koordinim me organet e drejtësisë, me qëllim të hetimit dhe zbardhjes sa më parë të rastit si dhe sjelljes së personit/ave të dyshuar para organeve të drejtësisë”, thuhet në një njoftim.
