Ditën e nisi në zyrën e tij.
Këtu kryeministri i Kosovës, Albin Kurti, priti ambasadorët dhe diplomatët e akredituar në Kosovë.
Mediat u lejuan të marrin pamje në fillim të takimit.
Ndërsa më pas, Zyra e Kryeministrit njoftoi se temë qendrore e diskutimit ishte procesi i dialogut, propozimi evropian dhe rruga përpara drejt integrime evropiane.
Por, ky nuk ishte takimi i vetëm që Kurti e pati të hënën.
Nga këtu, ai shkoi në këtë hotel në periferi të kryeqytetit.
E pas tij erdhi edhe i dërguari i posaçëm i Bashkimit Evropian për Dialogun Kosovë-Serbi, Miroslav Lajçak.
Ky takim u cilësua si dreke pune.
Një orë më pas, takimit iu bashkua edhe ambasadori i Shteteve të Bashkuara të Amerikës në Kosovë, Jeffrey Hovenier.
E pas tij, edhe shefi shef i zyrës së BE-së në Kosovës, Thomas Szunyog.
Ky takim, zgjati për rreth dy orë.
Ndërsa i pari që u largua, ishte kryeministri i Kosovës, Albin Kurti.
Ky nuk e tha asnjë fjalë para kamerave.
E njëjtë veproi edhe ambasadori amerikan.
E detaje se çfare u bisedua në takim, dha ndermjetesuesi evropian për dialog, Miroslav Lajçak.
“Vizita ime në Prishtinë sot është vazhdim i një përpjekje diplomatike për normalizimin e marrëdhënieve në mes të Kosovës dhe Serbisë bazuar në propozimin evropian, kjo është faktikisht vizita ime e 10 që nga shtatori dhe sigurish ne kemi diskutuar propozimin dhe gjithashtu përgatitjet për takimet e nivelit të lart në mes kryeministrit Kurti dhe presidentit Vuçiq”, tha Lajçak.
Lajçak bëri të ditur se në takim u diskutua edhe pwr gjashtë kushtet e kryeministrit Albin Kurti, për themelimin e asociacionit të komunave me shumicë serbe.
“Ne diskutuam për këtë çështje dhe unë e informova kryeministrin për pozicionin tonë, por nuk dua ta bëj ilegalisht publike, mendoj që ka qenë e dobishme ky diskutim që patëm këtu, çfarë dua ta përsëris është se të gjithë u dakorduan se dialogu duhet të implementohet dhe kjo është se si normalizimi do të ndërtohet”, shtoi ai.
Nga këtu, Lajçak vazhdoi për në Beograd, në një takim të natyrës së njëjtë me presidentin serb, Aleksandër Vuçiq.
Kronika e gazetarit Fidan Zejnullahu
