Shefi i grupit parlamentar të PDK-së, Abelard Tahiri, ka thënë për raportet aktuale mes Kosovës dhe Shteteve të Bashkuara të Amerikës ka një adresë dhe ajo është Qeveria e drejtuar nga kryeministri Kurti dhe Presidentja Vjosa Osmani.
Ai duke folur për bisedën telefonike që ka pasur sekretari amerikan Blinken me presidentin serb Vuçiq dhe takimin e këshilltarit të Departamentit të Shtetit, Chollet me ministrin e Jashtëm serb, Daçiq, të cilët u përgëzuan për konstruktivitet në dialog, ka shtruar pyetjen se kush është Kosova, dhe si pas tij kemi ardhur në këtë pozitë.
“E pamë ambasadorin Blinek se çfarë fjalë thotë për njërin nga trashëgimtarët e Sheshelit që sot e drejton Serbinë dhe e pamë takimin e Chollet me pasardhësin e Millosheviqt, Ivica Daqiqin, ku tash ata kanë marrë një rol konstruktiv në këtë pjesë të botës. Ku jemi ne, si kemi arrit mu vu në pozita të tilla, ku përgëzohen këta persona që dihet se kush janë, dhe kur ne kemi qenë konstruktiv. Degradimi i raporteve mes SHBA-së dhe Kosovës ka një adresë dhe ajo është Qeveria e Kosovës e udhëhequr nga Kurti dhe Presidentja e Kosovës”, ka thënë Tahiri gjatë fjalimit të tij në seancën e Kuvendit të Kosovës, raporton teve1.info.
