Me themelimin e grupit punues ndërinstitucional për integrimin e vendit në NATO, zv.ministri i Punëve të Jashtme Kreshnik Ahmeti tha për TëVë1 se synimet e këtij grupi shkojnë edhe përtej.
“Tashmë, anëtarësimi i Kosovës në NATO nuk është vetëm synim dhe interes i Kosovës, por unë besoj bindshëm që është edhe interes i Evropës, të një Evrope të lirë demokratike. Pra ky grup do të angazhohet në këtë drejtim, gjithashtu edhe të angazhohet në anëtarësimin tonë të plotë në Kartën e Adriatikut, në A5, pra edhe në mekanizma rajonal dhe ndërkombëtar të sigurisë”, thënëAhmeti.
Megjithatë nuk dihet sa do të zgjasin këto punime.
“Ne angazhimin do ta bëjmë maksimal, secili përfaqësues i institucioneve dhe vet ky grup aty, por nuk mund ta themi një datë se kur do të jetë ky grup i panevojshëm për shkak se do t’i arrijmë këto synime”, ka shtuar Ahmeti.
Kërkesa për pranimin e Kosovës në NATO është bërë që nga nisja e luftës në Ukrainë.
Raporti i gazetares Albiona Hajdari.
