Përmes një postimi në Facebook, Abrashi ka thënë se takimi po mbahet në ditën e fundit të janarit pasi sipas tij, i dërguari i posaçëm i BE-së për Ballkanin Perëndimor, Gabriel Escobar i ka premtuar kryeministres së Serbisë, Ana Bërnabiq që deri në fund të janarit do ta detyrojë Kosovën që ta diskutojë Asociacionin.
“Takimi të martën në ambasadë amerikane në Prishtinë po mbahet në ditën e fundit të janarit, sepse Escobar i ka premtuar Brnabiqit që deri në fund të janarit do ta detyrojë Kosovën ta diskutojë ASMM”, ka shkruar ai.
Presidentja e vendit, Vjosa Osmani do ta dërgojë një përfaqësues të kabinetit të saj në takimin që do ta organizojë Ambasada amerikane në Prishtinë më 31 janar, e ku do të diskutohet për krijimin e Asociacionit të komunave me shumicë serbe në Kosovë.
Ndërkaq, kryeministri i Kosovës, Albin Kurti ka deklaruar dje se nuk është ftuar në një takim të tillë, ndërsa ministri për Komunitete dhe Kthim, Nenad Rashiq ka konfirmuar pjesëmarrjen. /Teve1.info/
