Berishaj këto deklarata i bëri pas aludimeve se të dy janë bashkëpunëtorë në pretendimet për skandalin financiar.
“Kryeministrin e Republikës së Sllovenisë, z. Robert Golob nuk e njoh, kurre nuk e kam takuar në jetën time dhe nuk kam qenë kurrë në kontakt me të, kështu që pavarësisht asaj se sa herë do ta ricikloni lajmin e rrejshëm, ai vetem lajm i rrejshëm mbetet!”, ka shkruar Berishaj.
Ndryshe edhe Golob ditë më parë mohoi të ketë lidhje me Berishajn. Përkundrazi Golob tha se Berishaj ka afërsi me kundërshtarin e tij politik, Janez Jansha.
“Në gjysmë të rrugës morëm vesh se ky zoti Berishaj, i cili meqë ra fjala është ambasador në Zagreb, është mik personal i Janez Jansha, dhe në momentin që çështja u zhduk nga Sllovenia tani u ringjall, me sa duket në Kosovë”, kishte thënë ai në një emision televiziv.
