Haradinaj ka thënë se sot përkujtojmë dy ngjarje në dy periudha të ndryshme, me personazhe që kanë pasur qëllim mbrojtjen e Shqipërisë.
Në 555-vjetorin e vdekjes së Skënderbeut, Haradinaj ka thënë se ai ishte frymëzim për secilin shqiptar, shkruan teve1.info
“Zemra e themeltarit të Shqipërisë, Gjergj Kastrioti Skënderbeu, pushoi së rrahuri më 17 janar 1468. Gjenerali që është frymëzim për secilin shqiptar e trashëgimia e së cilit frymëzoi përpjekjet tona për liri përgjatë shekujve”, ka shkruar Haradinaj.
Tutje Haradinaj për heronjtë e Kosovës, Jusuf e Bardhosh Gërvalla dhe Kadri Zeka ka thënë se ata ishin ideator të lëvizjes kombëtare për liri e pavarësi që bashkuan dhe prinë shqiptarët drejt çlirimit.
“Po ashtu, sot kujtojmë heronjtë e Kosovës, Jusuf e Bardhosh Gërvalla dhe Kadri Zeka, që ranë po më 17 janar, 41 vjet më parë. Ideatorë të lëvizjes kombëtare për liri e pavarësi që bashkuan dhe prinë shqiptarët drejt çlirimit, deri në frymën e tyre të fundit”, ka shkruar Haradinaj.
“Ata ranë, por lanë trashëgim te mijëra të tjerë, planet e lirisë. Ata ishin arkitektët e saj”, shtoi ai./teve1.info
