Policia ka konfirmuar për teve1.info se ka arritur ta identifikojë të ndjerin.
Sipas njoftimit, bëhet fjalë për 21-vjeçarin H.B nga Klina, i raportuar i zhdukur më 28 dhjetor të vitit të kaluar.
“Viktima i rastit “vdekje e dyshimtë” i gjetur pa shenja jete pasditen e djeshme në fshatin Kçiq të Mitrovicës, është inidentifikuar sot; H. B. 21 vjeçar, nga Klina. I njëjti ishte raportuar nga familjarët e tijë i zhdukur me datën 28 dhjetor 2022 në Klinë”, ka thënë për teve1.info Avni Zahiti, zëdhënës i policisë për rajonin e Mitrovicës.
Ndërsa, nga Prokuroria Themelore në Mitrovicë kanë bërë të ditur se rasti është duke u hetuar.
“Prokurori i shtetit ka dalë ne vendngjarje, dhe ka urdhëruar që trupi i pajetë të dërgohet për autopsi në Institutin e Mjekësisë Ligjore në Prishtinë. Rasti është duke u hetuar në bashkëpunim me policinë”, kanë bërë të ditur nga prokuroria për teve1.info.
