Sulmet e Rusisë mbi Ukrainën kanë sjellë një rend të ri botëror në arenën ndërkombëtare, momentum ky për të cilin Kosova ka rritur ambiciet për anëtarësimin në organizata ndërkombëtare.
Politologu, Dorajet Imeri, thotë se Kosova duhet ta shfrytëzojë këtë moment për avancim në dialog.
“Shumica e këtyre shteteve, përjashtuar Greqinë kanë bërë të qartë se njohja nuk mund të arrihet për aq kohë sa nuk e kemi të mbyllur negociatat me Serbinë. Prandaj çfarë dua të besoj është që Kosova shpejtë, madje ky është edhe qëndrim i Shteteve të Bashkuara të Amerikës është që ta përdor këtë moment për të arritur një avantazh në procesin negociator”,ka deklaruar Imeri për Tëvë1.
Në këto rrethana, sipas profesorit të shkencave politike, Dritëro Arifi, Kosova mund të anëtarësohet vetëm në Këshillin e Evropës.
“Sa i përket këshillit të Evropës që është një organizatë e ndarë nga Bashkimi Evropian është puna ma e lehtë ma e shpejtë dhe politikisht është ma e arritshme. Sepse aty votohet në dy nivele, pra në nivelin pra në nivelin komiteti i ministrave dhe asambleja parlamentare e Këshillit të Evropës. Në komitetin e ministrave do me thanë Kosova i ka 33 vende që e kanë njoftë, ndërsa përmbanë nga 47 vende, aty nga 47 Rusia është e suspenduar që i bije 46. Pra ne e plotësojmë kushtin e shumicës absolute”,ka thwnw Arifi.
Kosova edhe në të kaluarën ka tentuar të anëtarësohet në Këshillin e Evropës, por që sipas nënkryetares së PDK-së, Vlora Çitaku, vendi ynë nuk e ka pasur as përkrahjen e miqve për këtë gjë.
Presidentja e Kosovës, Vjosa Osmani, qysh para 10 vjetësh, në cilësinë e deputetes nga radhët e LDK-së, kishte kritikuar qeverinë e asaj kohe, për zvarritje të procesit të aplikimit për anëtarësim në Këshillin e Evropës. /teve.info/
Raporti i gazetarit Valmiri Gallopeni.
