Muaji mars, po shihet si muaji i finalizimit të kësaj marrëveshjeje sipas qeverisë së Kosovës.
Megjithatë, ekzekutivi ende nuk ka ndonjë ftesë nga Bashkimi Evropian për takimin e radhës mes palëve.
“Ne kemi treguar gatishmërinë tonë për takime të radhës me qëllim diskutimet për marrëveshje ligjërisht dhe ndërkombëtarisht të obligueshme për normalizimin e plotë të marrëdhënieve ndërmjet Kosovës dhe Serbisë me njohjen reciproke në qendër. I takon ndërmjetësuesit të BE-së të përcaktoj se kur do të jetë takimi i radhës. Ne jemi të vullnetshëm, të gatshëm dhe të përgatitur”, tha Kryeziu.
Profesori i marrëdhënieve ndërkombëtare, Valon Murtezaj, marsin po e sheh si afat të shkurtër të ketë ujdi finale Kosovë – Serbi.
Mirëpo, Murtezaj thotë se për Kosovën e rëndësishme është që të jetë njohja në qendër.
Në kuadër të dinamikës së shtuar në bisedimet e palës kosovare dhe serbe, dy shtetet e vogla ballkanike i vizitoi Këshilltari i Lartë i Departamentit Amerikan të Shtetit, Derek Chollet.
Kronika e gazetares Fetije Kamberi.
