Njëra prej vendeve për të cilën Vuçiq pretendonte se kishte ‘çnjohur’ Kosovën është edhe Mbretëria e Suazilandit
Megjithatë që nga atëherë, ambasadorët e Kosovës nëpër botë kanë zhvilluar dhjetëra takime me përfaqësues të këtyre vendeve, e madje duke nënvizuar marrëdhëniet e mira.
Së fundmi, ambasadori në Mbretërinë e Bashkuar, Ilir Kapiti, është takuar me Komisioneren e Lartë të Ambasadës së Mbretërisë së Suazilandit në Londër, Thandazile P. Mbuyisa.
Kapiti ka shkruar në Twitter se mezi presin t’i përforcojnë marrëdhëniet me këtë vend duke i eksploruar mundësitë ekonomike.
“Ishte një kënaqësi për t’i trajtuar ngjarjet aktuale globale dhe ne mezi presim të forcojmë marrëdhëniet tona 🇸🇿&🇽🇰 duke eksploruar mundësitë ekonomike”, ka shkruar Kapiti.
Suazilandi e ka njohur pavarësinë e Kosovës më 12 prill 2010.
