Në këtë mes Rohde ka shkruar se hyn edhe themelimi i Asociacionit të Komunave me Shumicë Serbe në përputhje me frymën e Kushtetutës së Kosovës.
“Plotësisht dakordohem me këshiltarin Chollet se është koha e fundit që të gjitha marrëveshjet e Brukselit të zbatohen me shpejtësi, duke përfshirë krijimin e Asociacionit në përputhje me kushtetutën e Kosovës. Një propozim i Kosovës ende nuk është bërë”, ka shkruar Rohde.
Tutje ka shtuar se tërheqja e serbëve nga institucionet nuk është zgjidhje.
“Kthimi i menjëhershëm është i nevojshëm dhe duhet të lehtësohet nga të gjithë. Dua të nënvizoj se BE/SHBA janë plotësisht në linjë këtu!”, ka shkruar tutje Rohde.
Ndryshe Chollet kërkoi dje propozime dhe formim të shpejtë të Asociacionit, teksa shtoi se ShBA nuk përkrah një Republika Srpska në Kosovë, porse një Asociacion në përputhje me Kushtetutën.
