Në atë video përveç politikanëve, shihen edhe figura nga bota e biznesit.
Zëdhënësi për media nga kjo parti Arlind Manxhuka, me mburrje po tregon ndikimin që pati kjo video në opinionin publik.
Ai madje sugjeron që kjo gjysmë video të dërgohet në Oscars 2023 për ta përfaqësuar Kosovën në garën për të dokumentare te shkurtër, për shkak se siç thotë ai për të u diskutua katër orë në debate televizive.
Por, profesori nga Universiteti Agder, Abit Hoxha, këtë video e ka quajtur propagande shtetërore.
Sipas tij, këto veprime po bëhen për shkak të mungesës së suksesit të Qeverisë Kurti.
Ndërkaq Profesori i Departamentit të Gazetarisë në Universitetin e Prishtinës, Alban Zeneli, thotë se nga video e publikuar, po paraqitet vetëm një anë e medaljes.
Edhe ai, mes tjerash sheh elemente shume të fuqishme të propagandës.
Lidhur me këtë video të partisë në pushtet, ka pasur reagime edhe nga opozita.
Ish-kryeministri i Kosovës, Avdullah Hoti, publikimin e video-montazhes nga Lëvizja Vetëvendosje, e ka quajtur fashizëm politik.
Kronika e gazetarit Shpat Blakçori.
