Bislimi ka zbuluar se ka zhvilluar 6 takime me serbët lokalë, në ndërtesën e Ambasadës së Suedisë.
“Nuk është e drejtë të thuhet se ne premtuam por nuk e filluam atë dialog. Unë personalisht kam zhvilluar gjashtë takime me serbët vendas, pesë prej të cilave janë mbajtur në ambientet e Ambasadës Suedeze në Kosovë dhe me mbështetjen e Ambasadës Suedeze në Kosovë. Dhe unë mbajta një takim dhjetorin e kaluar në këtë objekt”.
Tutje Bislimi ka thënë se është i vetëdijshëm për pasojat me të cilat mund të përballen serbët, nëse këto takime do të bëheshin publike.
“Kemi biseduar me organizata që përfaqësojnë serbët lokalë si nga veriu ashtu edhe nga jugu, pra nga veriu i Mitrovicës, Gorazhdecit, Graçanicës… Mirëpo, për momentin jemi të vetëdijshëm për pasojat që mund të përballen këta individë kur bëhet e ditur se ata kanë filluar dialogun me qeverinë e Kosovës. Unë jam zëvendëskryeministër, por edhe Emilia Rexhepi është zëvendëskryeministre. Emilia Rexhepi ka vizituar çdo komunë. Jo me vendim të saj arbitrar, por me kërkesë të kryeministrit Kurti, ajo është takuar edhe me të gjitha institucionet relevante brenda komunave, si Graçanicë, Shtërpcë, Partesh, Kllokot, Ranillug, Novobërdë”, ka shtuar Bislimi për Euroneës Serbia.
Bislimi ka thënë se është bërë një kërkesë për takim edhe me kryetarët e komunave të veriut, por që është refuzuar nga Goran Rakiq.
