Sipas një njoftimi në Facebook, SHSKUK-ja ka kërkuar nga drejtoria e Spitalit të Vushtrrisë që të ndërmarr masat e nevojshme.
“Pas publikimit të lajmit në medie, ditën e djeshme, menaxhmenti i ShSKUK-së, ka kërkuar nga drejtoria e Spitalit të Vushtrrisë të ndërmarrë masat e nevojshme, konform legjislacionit në fuqi”, thuhet në një njoftim në faqen zyrtare në Facebook të këtij institucioni.
Sipas njoftimit të Spitalit, njëri nga kirurgët është shkarkuar nga pozita u.d shefit të Repartit dhe është suspenduar nga puna, po ashtu, edhe dy kirurgë të tjerë janë suspenduar nga puna deri në një vendim të ri.
“Shërbimi Spitalor dhe Klinik Universitar i Kosovës, është njoftuar nga menaxhmenti i Spitalit të Vushtrrisë, se gjatë ditës së sotme, janë arrestuar dy kirurgë të Spitalit të Vushtrrisë.
Pas publikimit të lajmit në medie, ditën e djeshme, menaxhmenti i ShSKUK-së, ka kërkuar nga drejtoria e Spitalit të Vushtrrisë të ndërmarrë masat e nevojshme, konform legjislacionit në fuqi.
Sipas njoftimit të Spitalit, njëri nga kirurgët është shkarkuar nga pozita u.d shefit të Repartit dhe është suspenduar nga puna, po ashtu, edhe dy kirurgë të tjerë janë suspenduar nga puna deri në një vendim të ri”, thuhet në njoftim.
Ndryshe, është bërë e ditur se tre kirurgë dyshohen se kanë marrë ryshfet për trajtimin e pacientëve në spitalin e Vushtrrisë – dy prej tyre A.L dhe E.S janë arrestuar nga policia, teksa edhe për kirurgun I.Z, Prokuroria ka kërkuar masën e arrestit.
