Isufi thotë se kjo tregon dobësi të Qeverisë Kurti e cila sipas tij nuk e di rolin e saj.
“E paramendoje tash edhe skandalin e fundit të ministrit i cili kërkon nga shteti gjerman që të pranojë dokumentin, pasaportën në këtë rast, të skaduar të afatit të pasaportës. Kjo tregon për një dobësi të kësaj Qeverie e cila nuk e di rolin e vet sa duhet edhe në planin e brendshëm edhe të jashtëm, sepse në të gjitha segmentet kemi ngecje, kemi një rezervë ndaj veprimeve, edhe po ashtu kemi një gjendje sociale ekonomike të rëndë. E veçmas ikjen e të rinjve nga Kosova, sepse nëse të rinjtë nuk shohin perspektivën, atëherë është normal një rrugëdalje për ta, e që është më e keqja, ikja prej vendit”, tha ai në “Respublika” në Tëvë 1.
Tutje, ai tha se Qeveria po tregon papërgjegjësi pasi nuk po është në gjendje të marrë vendime të cilat janë në dobi të qytetarëve të vendit.
Sipas numrit dy në AAK një Qeveri e cila e ka pushtetin e plotë do duhej “që të këshillohej qoftë edhe me opozitën, me sindikata, me mediat, me të gjithë ata që në fund të fundit sot nuk e rrezikojnë”. /Teve1.info/
