Ai tha se vendi i tij do të vazhdojë angazhimet në ndërtimin e një ekonomie të qëndrueshme kosovare që tërheq investime të huaja dhe krijon vende pune dinamike për të gjithë qytetarët e Kosovës, përfshirë të rinjtë.
“Në takimin tim të parë me ministrin e Tregtisë Hajdari rikonfirmova përkushtimin e SHBA-së për të ndihmuar Kosovën në ndërtimin e një ekonomie të qëndrueshme që tërheq investime të huaja dhe krijon vende pune dinamike për të gjithë qytetarët e Kosovës, përfshirë të rinjtë” ka thënë Hovenier.
Nga ana tjetër ministrja Hajdari ka folur me Hovenier mbi objektivat e ministrisë që drejton, lidhur me zhvillimin e industrisë, inovacionit, ndërmarrësisë, turizmit, si dhe tërheqjen e investimeve, me qëllim të rritjes së punësimit dhe përmirësimit të bilancit tregtar me bazë në parimet e përgjegjësisë, llogaridhënies, transparencës, barazisë dhe gjithëpërfshirjes.
In my first meeting with Trade Minister Hajdari yesterday, reaffirmed the U.S. commitment to assist Kosovo in building a sustainable economy that attracts foreign investment & creates dynamic jobs for all Kosovan citizens, including youth. https://t.co/uRYl7FutPj pic.twitter.com/8qmBfX3RCR
— Ambassador Jeff Hovenier (@USAmbKosovo) March 8, 2022
