Përmes një statusi në Facebook, të cilit ia ka bashkëngjitur edhe linkun e deklaratës së nënës së 11-vjeçarit, Kerveshi ka shkruar se gjuajtja e pjesëtarit të FSK-së ka qenë në asfalt, gjë që tregon se rasti nuk ka pasur të bëj me motive etnike.
“O turmë, nana e 11 vjeçarit te plagosur po thotë (serbisht), “nuk ka qit’ ne drejtim te tyre, ka qit’ ne asfalt”. Lajeni gojen Ju që denuat “kriminelin”, Ju që leqitet atë pa ditë asnjë fakt, ju që prej kolltuqeve vjellni vnerë! Nëse paska shkrep në asfalt, e mbylle debatin ky fakt! Në ASFALT!!!! PIkë! Turmë e organizueme pa qëllim!”, ka shkruar Kërveshi.
Ai ka thënë se sipas deklaratës së nënës së 11-vjeqarit ekziston mundësi që pjesëtari i FSK-së ka qenë i sulmuar.
“Ku ka ketu motiv etnik, turpi i Zotit cfare helmime po i bahen këtij populli! Ketu gjasat pas kësaj deklarate të nanës së 11 vjecarit janë që ushtari i FSK ka qene i sulmuar nga një grup (mund te kenë qenë edhe të dehur sepse sonte komuniteti serb ka feste) dhe në vet mbrojtje ka shkrep ne drejtim te asfaltit për ta shmangur rrezikun nga vetja”, ka shkruar Kërveshi.
Një ditë më parë me armë zjarri u plagosën dy të rinj të komunitetit serb në Shtërpcë, njëri i moshës 11 e tjetri 21 vjeç, nga një i dyshuar pjesëtar i Forcës së Sigurisë së Kosovës.
Pas kësaj ngjarje pati reagime të shumta të cilat e dënuan aktin por edhe që e quajtën me motive etnike.
