Kjo si pasojë e dëmeve të shkaktuara nga vërshimet të cilat përsëriten pothuajse çdo vit.
Nga të reshurat e shiut, ky rajon u godit nga vërshimet edhe gjatë vjeshtës, ku në masë të madhe pati përmbytje me rast u dëmtuan shtëpi banimi, biznese, hapësira dhe objekte publike, bujqësi etj.
Vlera e përgjithshme e dëmeve të shkaktuara nga vërshimet në gjithë territorin e komunës së Rahovecit në sektorin e bujqësisë arriti shifrën e mbi 3.5 milionë euro.
Nga këto të reshura ishin fermerët ata që pësuan dëme të mëdha materiale nga përmbytjet.
E Drejtori i Bujqësisë, Pylltarisë dhe Zhvillimit Rural në Komunën e Rahovecit, Berat Duraku ka theksuar se 326 fermerë nuk janë kompensuar.
Opozita në këtë qytet po e fajëson qeverisjen komunale por dhe nivelin qendror.
Sipas LDK-së kryetari aktual nuk po e planifikon mirë buxhetin.
E ish-kandidati për Kryetari të Komunës së Rahovecit nga Lëvizja Vetëvendosje, njëherësh deputet në Kuvendin e Kosovës, Visar Korenica, thotë se Qeveria ka ndarë mjete për kompensimin e bujqve, por jo edhe Komuna.
Ndërsa, ish kandidati për kryetar të PDK në Rahovec, Bejtullah Deliu thotë se që kreu i Komunës pjesën më të madhe të buxhetit e ka zhvendosur në pjesën mekanike dhe jo në bujqësi.
E kryeministri Albin Kurti, gjatë një konference për media me ministrin e Bujqësisë, të premten tha se qeveria e kaluar i ka kompensuar dëmet vetëm 30 për qind, ndërsa Qeveria e tij më shumë se 80 për qind.
Për më shumë ndiqeni kronikën e Tëvë1.
