Ajo ka thënë se nuk mund ta kuptoj se si një person i akuzuar për terrorizëm mund të shkojë në arrest shtëpiak.
“Kërkesa dhe vendimi për zëvendësimin e masës ndaj Dejan Pantic, është akti më i rëndë që mund t’i bëhej vendit nga institicionet që do të duhej të ishin shembulli më i mirë i mbrojtjes së qytetarëve dhe rendit tonë kushtetues.Nuk di si ta kuptoj dhe si është e mundshme që dikush që akuzohet për një vepër aq të rëndë që ka të bëj me terrorizëm, të shkoj në arrest shtëpiak madje sipas legjislacionit, për shkak të peshës së rëndë të veprës penale, nuk mund të shqiptohet një masë e e butë sikur ajo e arrestit shtëpiak”, ka thënë ajo, raporton teve1.info.
Haxhiu ka thënë se nuk pritur që sistemi i drejtësisë të çlirohet pa reformën në drejtësi, por rasti i stom është i papranueshëm.
“Nuk është se kemi pasur ndonjë ëndërr që sistemi i drejtësisë do të çlirohet pa reformën në drejtësi por ama të ndodhë edhe kjo që ndodhi sot është e papranueshme dhe diçka që do të ngelet në historinë moderne të Kosovës.Në vend se institucionet e drejtësisë të mbronin rendin kushtetues e qytetarët, njësoj sikur po angazhohet policia edhe fizikisht në veriun e vendit tonë, këta prej zyrave të tyre marrin vendime aq të dëmshme e të cilat përveç tjerash janë inkurajim për bandat kriminale e terroriste në veriun e vendit tonë”, ka shkruar ajo në Facebook.
Më kërkesë të Prokurorisë Speciale, Gjykata Themelore i ka zëvenësuar masën e paraburgimi me arrest shtëpiak ish-policitë që dyshohet për sulme ndaj Policisë së Kosovës dhe zyrave të KKZ-së në veri të Mitrovicës.
Ai ishte arrestuar më më 10 dhjetor në pikën kufitare të Jarinjës. Sipas autoriteteve të Kosovës, ai dyshohet për organizmin e “sulmit terrorist” të 6 dhjetorit ndaj zyrtarëve të Komisionit Qendror të Zgjedhjeve.
