Sipas zëdhënëses së Policisë në Prishtinë, Flora Ahmeti, rasti ka ndodhur në Shkabaj dhe është raportuar në stacionin policor të Obiliqit.
“Sot në stacionin policor të Obiliqit, është iniciuar një rast Hetim mbi vdekje.
Rasti ka ndodhë në fshatin Shkabaj, ku një person dyshohet se ka rënë nga një lartësi dhe ka pësuar lëndime. Viktima mashkull, nuk ka arrit të përballojë plagët dhe i njëjti ka ndërruar jetë.
Vdekjen e viktimës e ka konstatuar ekipi mjekësor në vendngjarje”, ka deklaruar Ahmeti.
Sipas saj, rasti po hetohet nga njësitet kompetente në koordinim me prokurorinë dhe Inspektoratin e Punës.
