Kjo u bë e ditur përmes raportit 24-orësh të prokurorisë, ku thuhet se gjatë kësaj periudhe janë bërë dy kërkesa për caktimin e paraburgimit ndaj dy personave, raporton “Betimi për Drejtësi”.
Prokuroria Themelore në Prishtinë, gjatë 24-orëve me urdhër të prokurorit ka ndaluar tre persona dhe ka paraqitur një kërkesë për caktimin e masës së paraburgimit ndaj një personi.
Prokuroria Themelore në Prizren, me urdhër të prokurorit, ka ndaluar në kohëzgjatje prej 48 orëve, katër persona të dyshuar, si dhe pranë gjykatës kompetente ka parashtruar një kërkesë për caktim të paraburgimit kundër një personi.
Ndërsa, Prokuroria Themelore e Pejës, gjatë 24 orëve të fundit, ka ndaluar gjashtë persona të dyshuar në kohëzgjatje prej 48 orësh për kryerje të veprës penale.
Kurse, Prokuroria Themelore e Mitrovicës, gjatë 24 orëve të fundit, ka ndaluar një person të dyshuar në kohëzgjatje prej 48 orësh për kryerje të veprës penale./BetimipërDrejtësi
